Vox bigerri
Concèrt : dissabte 6 d'agost , 17:00, dins la glèisa d'Entraygues (entresenhas CCOR 05 65 68 18 75)
"Shaushats ena practica conviviau de la canta polifonica espontanèu que vibra pendent las hèstas pirenencas gasconas, l’ensemble professionau VOX BIGERRI qu’ei un còr de sheis artistes cantaires centrats sus las polifonias deus Pirenèus, de Bigòrra, Biarn, Euzkadi e Catalonha. Creat en 2004 lo grop a balhat quasiben 200 concèrts en França e mei luènh, e sorteish actuaument lo son 3° CD, enregistrat en public (en Corsega e en Gasconha). Aqueth disc navèth rebèrta l’orientacion de cap a l’ancoratge e la libertat, l’enveja de noirir los arraïtz e de hèr creisher las brancas d’avenir. La tradicion ei tau grop com un ausèth en volada e non pas com un ausèth en gàbia, çò qui permet de teisher numerós e fecondes rencontres musicaus.
Estacats a l’autenticitat de la votz pirenenca, tribalhant de longa los plaçaments diferents de la votz minerau qu’alibera harmonicas, banhant dens lo frasat au còp fluïd e vigorós de la canta pirenenca, Vox Bigerri s’ei afirmit en 2011 coma l’un deus grops mages entà la polifonia en França, en éster convidats en numerós Hestaus, de Niça a la Bretanha o en region parisenca, en tot perméter de desvelar aqueth arriquèr a un gran public.
Miat per Pascal Caumont lo son director artistic, lo grop junta prigondor, lestetat, umor e fusion de las votz entà un partatge culturau shens moderacion."
Estacats a l’autenticitat de la votz pirenenca, tribalhant de longa los plaçaments diferents de la votz minerau qu’alibera harmonicas, banhant dens lo frasat au còp fluïd e vigorós de la canta pirenenca, Vox Bigerri s’ei afirmit en 2011 coma l’un deus grops mages entà la polifonia en França, en éster convidats en numerós Hestaus, de Niça a la Bretanha o en region parisenca, en tot perméter de desvelar aqueth arriquèr a un gran public.
Miat per Pascal Caumont lo son director artistic, lo grop junta prigondor, lestetat, umor e fusion de las votz entà un partatge culturau shens moderacion."
