AG IEO12 (seguida..)

Caras sòcias e cars sòcis,


Totas e totes sabètz que l’Amassada generala de l’IEO12 la poguèrem pas téner coma previst lo dissabte 27 de març.

Mas vos’n dobtatz, saique, que per de rasons administrativas, la devèm programar pro lèu.

A pas escapat a degús que las condicions sanitàrias permeton pas de la téner en preséncia de totas e totes, doncas, per un còp, vos demandam de legir los compte-renduts çai-junts - activitats e financièr, de 2020 – puèi de votar per corrièl (o per corrièr postal per las e los qu’an pas d’adreça electronica) per lo 31 de mai.

Aquel biais de far correspond pas al biais de veire ni mai de viure la vida associativa qu’es lo nòstre, e esperam fòrt vos tornar trobar al pus lèu un còp la marrana acabada.

Lo Conselh d’administracion se debanarà al mes de junh per preparar la sason que ven, esitèssetz pas a nos dire o escriure totas remarcas e suggestions que las estudiarem a (n) aquela reunion.

Vos mercejam per la vòstra compreneson, e comptam sus la vòstra participacion.

Coralament.

Lo Burèu de l’IEO12