Janvier 2016

Cap a China

L’IEO 12 convida al rencontre « a la descòberta d’una òbra » lo dimècres 3 de febrièr de 2016 a 18 oras, a l’Ostal de las associacions (Av. Tarayre, Rodés) :  "Cap a China - Lo temps d'una traversada" òbra de revirada en òc de Miquèla Cabayé Ramòs. Tres racontes de tres viatges cap a una meteissa destinacion, lo de Pèire Loti, escrivan francés, lo de Çubran Cabayé, lo pairegrand de Miquèla Cabayé Ramòs, lo de Oswald Wynd, escrivan escossés. Tres tèxtes entre realitat e ficcion que lor fial comun es lo viatge en batèu fins a China.

La dictada occitana

La dictada occitana contunha, dins son esperit de fèsta mai que de competicion. Lo darrièr dissabte de genièr, ongan lo 30.

I aurà dictada dins gaireben un cinquantenat de vilas, e tanben a Barcelona e a Palma de Malhòrca

Dins Avairon, 3 luòcs de dictada : Rodés, Sant Africa, Sant Remi (prèp de Vilafranca de Roergue).

Las setmanas occitanas del Vilafrancat

Aquí lo programa de las setmanas occitanas del Vilafrancat organizadas per l'IEO del Vilafrancat pendent lo mes de febrièr :

  • Tot lo mes de febrièr : exposicion « Gaston Phébus » a la bibliotèca municipala.

  • 30 de genièr, a Sant Remi, a 14:00 : dictada occitana seguida d'un bal occitan amb « Route 47 » e « Les 12 violoneux »

Vesprada occitana a Espaliu

Dimenge 17 de genièr de 2016, a partir de 14:30, a la sala de la gara, la Cabrette e lo cèrcle occitan de Naut Roergue convidan a una vesprada pel « Téléthon » : musica, danças tradicionalas, racontes e cants en occitan, teatre amb « l'Escloupeto » que jogarà una pèça en occitan d'Enric Moulin : « Aglaë ». Participacion de 6€