Février 2015

Prima occitana 2015

La prima occitana dins lo Valon
La « Prima occitana » n'es pas a sa primièra edicion, mas l'objectiu es totjorn lo meteis : far cantar la lenga e la cultura occitana, far grelhar las raices, mostrar que l'occitan es d'ièr mas tanben de uèi e de deman, convidar totas las generacions a la fèsta. De joves de las escòlas an preparat quicòm e montaràn sus l'empont per presentar lors trabalhs, e los ancians son pas doblidats…

Ives Roqueta, sèm orfanèls...

Ives Roqueta... Plantat solid dins las sèrras rojas del Camarés, òm l'auriá volgut indestructible, tant sa preséncia èra evidenta, indispensabla, calorosa, rasseguranta... La mòrt lo nos panèt lo dimenge 4 de genièr de 2015... Per nos consolar direm qu'a fach, e plan fach, son trabalh, totjorn e pertot a la rega, en plena laurada o sus la talvera; qu'a plan respondut a la question que nos pausava un jorn a Rodés: «Qué fau, ieu, de la lenga qu'ai recebuda? »
xxx

Lo teatre d'Adrian Vezinet

Dimenge 15 de febrièr a 14:30 a la sala de la gara d'Espaliu, l'IEO de Roergue Naut e La cabreta presentan una pèça de teatre d'Adrian Vezinet: "L'Escampat", jogada per "la Pastorèla".
Es una de las sièis pèças de l'autor roergàs que ven de publicar l'IEO-IDECO jol títol: " Lo teatre de la Pastorèla"