IEO12 seccion departamentala d'Avairon

*Divendres 29 de Febrièr : 21 oras Teatre Municipal :
« Cridals…..Revòltas en país d’òc » de Joan Loís CORTIAL

"CRIDALS"… qu'es aquò ? Es un espectacle de cançons occitanas.

Foguèt la creacion oficiala del festival de "l'Estivada" de Rodés 2007.
E coneguèt un grand succés per sa creacion, lo dissabte 21 de julhet de
2007, que la sala fin'amor del festival ne veniá tròp pichona tant i
aviá de mond ! CRIDALS es tanben un conte musical. Sus scèna, es
contada l'istòria d'una femna o d'una filha, testimòni d'un escag de
revòltas en país d'òc. Atal dins d'a la Crosada contra los Catars entrò
la novèla cançon occitana de las annadas 1970, en passant per la
revòlta dels Croquants del Vilafrancat, dels Camisards de las Cevenas,
1907, puèi la Resisténcia a la "pèsta bruna", lo conte finís amb una
valsa laugièra qu'evòca la revindicacion d'aquela debuta de sègle XXI,
per una lenga plan viva. ROSALINA, la cantaira de l'ex grop "FAI LUM"
prèsta sa votz a aquela femna o filha que viu aqueles moments de nòstra
Istòria. Es acompanhada pels sèt musicians e cantaires de la tropa de
"Cridals".