Prima occitana 2015

La prima occitana dins lo Valon
La « Prima occitana » n'es pas a sa primièra edicion, mas l'objectiu es totjorn lo meteis : far cantar la lenga e la cultura occitana, far grelhar las raices, mostrar que l'occitan es d'ièr mas tanben de uèi e de deman, convidar totas las generacions a la fèsta. De joves de las escòlas an preparat quicòm e montaràn sus l'empont per presentar lors trabalhs, e los ancians son pas doblidats…
Del 6 de març al 3 d'abrial, la « Prima occitana » serà ongan dins lo Valon de Marcilhac-Concas ; es organizada per l'IEO 12 (institut d'estudis occitans) e la Mission departemnetala de la cultura, en partenariat amb lo CCOR, en collaboracion amb la comunautat de comunas de Concas-Marcilhac e las comunas de Marcilhac, Sant Cebrian, Claravals, e la participacion de l'escòla Jean Auzel, l'escòla de Claravals, lo collègi Kervallon, la mediatèca de Nuças, l'espital de Cogossa,, l'EHPAD de Claravals (« Val fleuri »), de Marcilhac (Saint Joseph).
xxx
Aquí lo programa :
Inauguracion
- divendres 6 de març a la sala de las fèstas de Marcilhac : a 18:30 inauguracion de la Prima e presentacion de l'exposicion.
Una exposicion
A veire pels escolans e adults, una exposicion "De la natura de quauquas bèstias", bestiairi fantastic del sègle XIII escrich en occitan, adaptat a la lenga modèrna e revirat al francés per Ives Roqueta, illustrat per de colors e de dessenhs d'un artista contemporanèu, Pèire Francés.
- del 6 al 20 de març a la sala de la comuna de Sant Cebrian
- del 20 de març al dissabte 4 d'abrial a la comuna de Claravals
Tres espectacles :
- divendres 6 de març a la sala de las fèstas de Marcilhac, a 20 : 30 : concèrt « Brick a Drac », musica tradicionala e rock.
- divendres 20 de març, a 20:30, a la sala de las fèstas de Sant Cebrian : «  Sèm de Caors », musicas de Carcin e balèti ; en primièra partida : los escolans Jean Auzèl.
- divendres 3 d'abrial, a 20:30, a la sala de las fèstas de Claravals : concèrt « Saique benlèu » del cantaire roergàs Arnaud Cance ; en primièra partida : escolans de Joan Auzèl e collegians de Kervallon.
Dintrada pels espectacles : 5 € la serada o 10 € las tres ; a gràtis fins a 16 ans.
Tres vespradas d'òc :
Las « Vespradas d’òc » amb Paul Bony, Los Faisselièrs, e las coralas dels residents prepausan un aprèp-miègjorn de cants e de contes bilingües ( a partir de 14:30), que s'acaban pel veire de l'amistat.
- dijòus 12 de març : EHPAD "Le Val Fleuri" a Claravals
- dijòus 19 de març : espital local de Cogossa
- dijòus 26 de març EHPAD St Josep a Marcilhac
Un encontre a Nuças
Lo divendres 27 de març, a 20 : 30, a la mediatèca de Nuças, encontre ont se mesclaràn occitan e francés sul tèma de l'exposicion « lo bestiari e las bèstias »: lecturas, poèmas, contes, istòrias...
Entresenhas : IEO, Ostal del Patrimòni, Plaça Foch, Rodés, 05 65 68 18 75, www.ieo12.org ; Mission departementala de la cultura, 25 Av. Victor Hugo, Rodés, 05 65 73 80 64, www.aveyron.culture.com